球壇話當年|地鐵遇朱sir拯救球員生涯 朱兆基掛靴前投南華圓夢

更新時間 (HKT): 2021.03.21 06:30
失意於沙田後,朱兆基30歲才轉投傑志,效力4季贏了3個聯賽冠軍。

朱兆基最當打的幾年都在晨曦度過,但在傑志再找到第二春,甚至可說是球員生涯高峰,其後效力南華圓了心願,可算是完美掛靴。踢到37歲的朱兆基,原來在30歲時差點心灰到掛靴,幸地鐵站偶遇朱志光,才有這個完美的球員生涯。

效力晨曦期間,朱兆基贏過很多冠軍,但他感覺冠軍都是依賴外援,故在2009年,他效力晨曦7個球季後轉會,「想自己轉變吓,轉吓環境、新風格。我覺得自己付出好多,但硬係覺得係靠外援,我認為本土球員都好重要,所以想去其他球隊證明吓。」當時沙田新升班,任主教練的李偉文聯絡朱兆基,「佢問我,我就話唔使喇,撐你啦captain,就過咗沙田。但好景不常,我盡咗力㗎喇......」沙田在2009/10球季於10隊中排第9,僅1季就重返乙組。當屆沙田的華人班底相當不錯,除朱兆基和李偉文外,范俊業、沈國強、黃鎮宇、賴啟卓等都是港腳級,「死喇,外援影響力真係咁大?」

沙田那一季對朱兆基而言很震憾,加上當時已開始搞生意,心灰意冷下打算以30歲之齡掛靴,豈料在地鐵站遇到傑志總監朱志光,「佢問我點,我話唔喇,諗住唔踢。佢即刻問我『有冇興趣,過嚟,畀個電話我,聽日,約你。』」結果他們隔日再見面,傾了15分鐘,朱兆基就加盟了傑志,「本身我同朱sir都完全唔同隊,完全冇瓜葛,所有球隊埋晒班,我真係諗住唔踢,點知3日內搞掂,去咗傑志,我第一日出去練波,傑志啲人都呆咗,其實我嗰陣連傑志有咩人都唔知。」原來朱志光除了在機場挽留了艾力士,也在地鐵站挽留了朱兆基。

技術型的朱兆基在傑志如魚得水,由掛靴邊緣到再創高峰,他效力傑志4季贏了3季聯賽,與林嘉緯和黃洋組成的中場線,踢法和分工的確有點似巴塞隆拿的恩尼斯達、沙維和布斯基斯,而且是全華人組成,「如果傑志早少少帶呢個踢法嚟香港就好,香港人踢咩出身?石地囉,踢乜高Q大棍,踢石屎地點會踢個高波去爭頂。」傑志在2014年也踢過亞協盃4強,朱兆基當屆也是傑志亞協盃一員,但去到4強時已離隊,因為他想圓夢,但也令他留下遺憾。

原來朱兆基由出道起,已想效力南華,「我細個睇波係睇南華大,我偶像係山度士嘛,咁我係睇山度士點踢波㗎嘛。」他在晨曦時有機會與偶像同隊,但仍想穿起南華會那件紅衫白袖球衣,結果在2014年出現機會,當時的南華主教練楊正光邀請朱兆基加盟,「我哋傾好晒㗎喇,我離開埋傑志,但最尾唔得。」朱兆基因此而首次退役,去甲組幫駿其爭升班。如果當時楊正光沒有找朱兆基,「我就留喺傑志㗎喇,條路會點,我真係估唔到。」

駿其順利升上港超聯,朱兆基以教練兼球員身份再戰港超聯,與梁志榮合作領軍,贏盡口碑。朱兆基說:「我唔想最尾係咩呢,一個老屎忽去到下游球會,半踢半教。」但他在駿其的日子,正正就是這樣。不過,才開季不久,朱兆基已向邀請他到駿其的朱偉霖講:「我同佢講定,半季左右我會走㗎喇,嗰時我都未收到offer,點知真係中。」

朱兆基如願加盟南華,縱使當時南華沒有霸氣,甚至是死氣沉沉,但總算趕及在掛靴前圓夢。2017年足總盃決賽,南華雖然不敵傑志,朱兆基卻成為最有價值球員,「圓咗夢,喺嗰度退役,喺嗰度攞到獎,好開心。」那年朱兆基37歲,今日41歲的他,講起達成童年心願時,仍有一種帶童真的笑意。

-----------------------------

《體蘋果》陪你睇波講波

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

包羅萬有,「體」得舒服,即Like「蘋果體育」FB專頁!
BannerBanner