求驗客手記:轟女球證風波愉園道歉

更新時間 (HKT): 2021.03.23 02:00

愉園周日喺港超聯一球不敵天水圍飛馬,教練鮑家耀(左)賽後批評球證羅碧芝(小圖)執法水平就惹嚟外界批評,有指佢言論涉性別歧視,又有球迷認為批評唔係冇根據。不過,愉園噚晚已喺社交平台為鮑教練措辭不當致歉,仲話要規範職球員言論咁話。愉園貼文指鮑教練賽後回應傳媒提問而講球證水平,高層同佢傾過認同佢措辭不當,就算唔係針對任何群體亦屬冇必要,所以就向受影響人士致歉,仲會搞座談會提醒職球員言行。鮑家耀前日賽後如常出席足總安排嘅賽後記者會,據講在場傳媒冇提及球證執法水平問題,只問佢點解咁激動。

包羅萬有,「體」得舒服,即Like「蘋果體育」FB專頁!
BannerBanner