【員】27歲先入港隊辭筍工

更新時間 (HKT): 2021.03.24 02:00
■杜小鳳(中)大學時再入校隊習空手道,「情意結」作祟最後成她轉為全職運動員的契機。圖片由受訪者提供

才寫了兩段,體育故事就此夭折完結。

「棄」,甲骨文形似雙手持簸箕扔掉嬰孩,既是親生孩兒,又如何棄得掉。埋首讀書那七年,杜小鳳再沒回道場練習,但男女忍痛分手雖身處「新生活」,舊日的溫馨記憶仍然藏在心底,無聲無息隨時來訪,「我會自己喺學校耍空手道,冇忘記過套拳,當時都好技癢,就連發夢都記得點打。」杜小鳳的人生就如母親設想一般,公開試後升讀大學工程系,前程穩定可期,此時空手道的情意結又悄悄摸上門,「入U後發現原來有校隊,我放低咗咁多年,以前自己都叫有啲成績,所以膽粗粗參加番,我好想知自己變成點,咁當識吓朋友仔都好吖。」當年城大空手道隊有劉慕裳等港隊成員,杜小鳳再披道袍,這位「黑帶新秀」如劉姥姥入大觀園,「我當時覺得自己太脫節,都唔係佢哋嗰皮,佢哋係接近國際級,我覺得『揼』一聲學到嘢喎。」

她大學時僅玩票性質練空手道,2014年畢業後當了2年助理工程師,營營役役,但2016年有次大學校隊隊友相約出外比賽,機緣巧合在亂林中卻開出一條新路,「我係請大假同班大學隊友出去打個小比賽,純綷當度假,可能水平高嘅隊友冇參加啦,我有幸喺小比賽攞到成績,可以用成年隊成員身份入體院訓練,當時我27歲喇,都叫做認識吓咩叫精英運動員,我會覺得『咦?我呢個年紀都可以繼續發展?』」起初她為兼職運動員,下班未及吃飯又要匆忙到體院練習,「做工程成日OT,但兼職運動員要準時七點到,有時飯都未食就練習,做唔晒嘢就點都要死掂佢,咪自己星期六、日返地盤做嘢。」其時港隊隊際形足有七年未能成軍,杜小鳳本練個人,但總教練相中她與胡樂敏及馬嘉敏組隊,又以參加世錦賽等機會吸引,杜小鳳決意辭職,從「完」成「員」,全職投入,「嘩世錦賽喎,有啲人做好多年運動員都冇機會,我一入隊就有,點解唔all in盡地一煲呢。」27歲的年紀在體壇不上不下,年資稍長又未能闖上高峯者隨時萌生退念,如此歲數當新丁少之有少,人人不解其決定,「個個都話我低能,邊有人成三張嘢先去做全職運動員,正常都等結婚生仔啦。」

包羅萬有,「體」得舒服,即Like「蘋果體育」FB專頁!
BannerBanner