求驗客手記:迪比利訓練突暈低 好彩冇事

更新時間 (HKT): 2021.03.25 02:00

今年1月冬季轉會窗由法甲里昂,外借到西甲馬德里體育會嘅24歲法國前鋒穆沙迪比利,禮拜二參加球隊訓練期間,突然暈低失去知覺。好彩經過軍醫急救後,迪比利好快就成功恢復意識,可以自行企起身並步離訓練場。由外媒拍攝到嘅片段所見,事發嗰陣穆沙迪比利正喺度拉緊筋,突然間成個人失去意識向後瞓低,大髀仲係咁抽搐,好彩隊友同軍醫即刻趕過嚟進行急救,而佢就喺分幾鐘後成功恢復意識,據報迪比利係因為低血壓而突然暈低,冇即時生命危險,事後佢俾人影到親自揸車返屋企,證實虛驚一場。