Goal富帥:添食澳職撐墨城、獅吼

更新時間 (HKT): 2021.03.26 02:00

周末都幾多亞洲波選擇,不過日聯盃就唔知班大帝用咩人,日乙暫時都未明朗化,都係唔搞住,周中中咗威靈頓鳳凰上盤,食住個勢繼續玩澳職。

澳職近期係威係勢嘅球隊,當然要數到墨爾本城(圖),星期五就主場對西悉尼流浪者;西悉話就話排第二,只不過比墨城踢多2場先領先1分,講到實力就真係好一般;今場仲要作客,之前幾場作客睇落就麻麻地,往績上亦輸蝕,主場都吞墨城雙蛋,今仗都似係求和格,不過對住強勢嘅墨城,要守真係好勉強。墨城要讓到半/一又多唔多呢?墨城大家都集中討論前鋒占美麥卡倫,入到11粒真係強,不過其實納博特先係無名功臣,狀態非常之好,邊線爆破又有紋有路,最記得墨爾本打吡,墨城唔留力數勝利6:0,創打吡戰最大比分,就知佢哋順開就冇得留,上盤冇走雞。

星期六有三場澳職,就揀布里斯班獅吼主場對西部聯呢一場;首循環西部聯就主場小勝1:0,兩軍近況都係麻麻地,不過講隊形,獅吼就叫越踢越好,上仗和到鳳凰1:1,好運啲有權贏埋。西部聯今次作客,就冇主場咁強控制能力,兩隊都屬於工兵型球隊,講求中場壓逼令對手犯規,爭取入波機會,獅吼快馬雲素賀爾斯唔錯,恰到速度麻麻嘅西部聯後防,信佢哋報到仇,主W、半場主W、入球「大」要晒。

文:黃耀富

截稿前馬會尚未開盤,盤口僅供參考,讀者記得留意足智彩網頁。

資料寶藏

墨爾本城已連勝五場,當中轟入16球兼只失2球。

包羅萬有,「體」得舒服,即Like「蘋果體育」FB專頁!
BannerBanner