趣趣地:英超8.14開季玩殘奧運腳

更新時間 (HKT): 2021.03.27 02:00
基斯甸普列錫(左)、穆罕默德沙拿(右)

英超賽會星期四公佈咗下季會喺8月14日開鑼,不過開鑼日同東京奧運同歐國盃兩大盛事嘅閉幕日好接近,相信唔少球員今夏未必可以好好休息喇。事關今夏會接連舉行歐國盃同東奧,前者由6月11日踢到7月11日,至於奧運男足就會由7月21日踢到8月7日,即係話如果踢埋奧運決賽,部份球員只係休息一個星期就要踢英超揭幕戰,基本上冇得唞。雖然要參加奧運男足嘅英超兵未必好多,不過呢啲球員今夏休息時間較少外,預計冇辦法參加熱身賽,有傳利物浦嘅埃及球星穆罕默德沙拿,就好大機會以超齡球員身份參加奧運男足,教練賈里柏仲講明希望呢位國寶級前鋒可以出戰,除咗沙拿,車路士嘅美國中場基斯甸普列錫同樣有機會參加奧運,不過美國家陣仲踢緊外圍賽,想去東京首先要喺下星期日過洪都拉斯一關。

包羅萬有,「體」得舒服,即Like「蘋果體育」FB專頁!
BannerBanner