桌球|吳安儀四個月來首賽即奪季軍 盼未來兩季職業賽更上一層樓

更新時間 (HKT): 2021.03.27 20:08

受疫情影響,連番延期的2020香港英式桌球公開賽第三站終在周六下午上演,「四眼Cue后」吳安儀再次與馮國威於季軍戰碰頭,七局四勝制下,以局數4:0奪得季軍;而冠軍戰則採用九局五勝制,周漢文與譚潤峰鏖戰至第九局始分高下,終由周漢文奪冠。

吳安儀早前獲發未來兩季(2021/22、2022/2023)的世界桌總的職業巡迴賽「全年外卡」,安儀今仗直落四局取勝,自去年十一月至今,四個月沒正式比賽,她賽後滿意今日表現:「去到四強開始有少少緊張,因為之前最佳成績都只係第四,再次喺季軍戰對馮國威,今日首兩局都一cue過安全線,發揮得幾好。」而對獲發兩季「全年外卡」就感到意外「因為疫情令到桌球賽對咗好耐,所以都冇預計到會有外卡。一直都希望轉職業,估唔到今次有機會,希望呢兩年自己可以有更大改進。」

早前香港桌球總會表示,卡塔爾奧委會宣佈將桌球納入2030年多哈亞運項目,吳安儀對此相當高興:「當時剔出咗都失落咗一排,始終係大型比賽。雖然係九年後可能遠咗啲,但都係一個機會,自己當然會努力拎亞運資格,呢幾年希望可以準備好啲。」吳安儀唯一一次參加亞運正是2010年廣州亞洲,當屆她奪得六個紅球賽單打套銅牌外,亦伙同蘇文欣及葉蘊妍奪六個紅球女團金牌。另外傅家俊於當屆亞運亦贏得單打金牌。2010年後桌球項目被剔除。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner