桌球| 與吳安儀同獲外卡戰世巡賽 傅家俊教路要適應英國生活

更新時間 (HKT): 2021.03.29 19:56
傅家俊(左)帶同女兒出席活動,宣傳兒童桌球遊戲枱。

「神奇小子」傅家俊今日(周一)出席活動宣傳兒童桌球遊戲枱,早前他獲世界桌球總會發外卡參與世巡賽,他形容感覺「失而復得」,惟指受疫情所限,他未定下出發英國的計劃,吳安儀亦破天荒獲外卡,傅家俊建議師妹在打球以外,要有心理準備適應彼邦生活。

受武漢肺炎疫情影響,43歲的傅家俊棄戰上季世巡賽,世界排名未達新季入圍門檻,幸他其後獲發外卡出賽。傅家俊今日出席活動時指欣喜能再次參賽,「有失而復得嘅感覺,遺憾錯過咗成個賽季,打職業咁耐都未試過,唔容易呀,同時睇到其他球員繼續緊比賽,希望有正面心態,當叉足電咁。」現時歐洲疫情尚未受控,他透露未落實何時赴英參加世巡賽,正常6、7月就開始新一季,希望12月全英賽都參與到,當然早啲去更加好。」疫苗成效為全球復甦關鍵,傅家俊指如要出外作賽,相信一定需接種疫苗,惟現階段仍待相關入境等措施落實再作決定。」除傅家俊,「四眼Q后」吳安儀亦歷史性獲邀參賽,世巡賽經驗豐富的傅家俊提醒後者要留意如何適應英國生活,「適應英國生活好緊要,Off the table好多外國球員適應唔到令到打得唔太好,佢要有心理準備,但相信佢可以,佢好有熱誠,夢想都係成為職業,相信佢會好享受,應該會越打越好。」

此外,桌球將於2030年重返亞運項目,傅家俊指屆時或已退役,但他將盡力支持港隊,又讚揚下一代港將水平甚高,「桌球本來應該喺亞運入面,依家入返對亞洲桌球發展好大幫助,對運動員係一支強心針。現時香港桌球年輕參與者多,水平又高,之前21歲以下比賽最高一Q打到有一百四十幾度,已經係香港嘅頂尖水平。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner