Goal富帥:西部聯唞足夠料攻城

更新時間 (HKT): 2021.03.30 02:00

墨爾本城近期六連勝好威風,星期四墨城作客西部聯(綠衫),仲繼續追?今次我就唔係咁睇。

近期大家追住墨城同阿德萊德聯兩支旺門,應該都執唔少,今次墨城作客西部聯,牌面確實可以秤先。西部聯近期雖然近4仗輸3場,不過隊波始終都好攻得,上星期場波又因為場地問題取消,有成個幾星期休息,返到主場對冠軍熱門嘅墨爾本城,西部聯初盤受讓半/一,球隊心態一定打老虎,再加陰謀論,就要西部聯下盤,再加入球「大」,西部聯入到波就立於不敗!

星期四另一場,中岸水手就主場對阿德萊德聯。水手仲掛名叫榜首,不過季初氣勢完全冇晒,上場幾經辛苦先逼和墨爾本勝利,完全唔係季初嗰隊。今次對住阿聯,入波相信係首要任務,所以上半場基本上一定有一球,但下半場睇怕無以為繼。阿聯六連勝氣勢強,不過今季4次輸波有3場都係作客,我睇好全場和波,下半場就變悶戰,開個入球「細」。

文:黃耀富

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner