Goal富帥:小國就崩潰蘇格蘭大勝有法

更新時間 (HKT): 2021.03.30 02:00

世盃外就嚟到第三輪,7日內踢3場,預期一班靠鬥志、之前兩輪都冇乜大敗嘅小國,隨時開始崩潰,星期三就推介蘇格蘭,可以主場大炒法羅群島。唔少香港球迷都同小弟一樣,都有英倫三島情意結,以一眾主力嘅成長情況,蘇格蘭都幾值得憧憬。

蘇格蘭左路有幸福嘅煩惱,為咗安排利物浦嘅安德魯羅拔臣(右)同阿仙奴嘅基蘭泰亞尼一齊出,領隊奇勒安排羅拔臣打前一格踢左翼,除此之外,麥湯米尼、史超活岩士唐都係英超實而不華球員。蘇格蘭分組賽兩場都未贏,只不過對手相對強,今次對魚腩都安排咸普頓公園個大場踢,球場夠晒闊度,法羅群島更加冇得守。「讓球」就未知開唔開,預期「讓球主客和」都開[-2]。法羅群島分組賽1和1負,拎到分已經夠晒交代,睇佢哋上場對奧地利,領先1:0下連輸3球,體力都開始透支,今次相信會大敗而回。

除咗蘇格蘭,羅馬尼亞都係冒起緊嘅國家隊,上仗對德國都可以只輸一球,周三作客阿美尼亞,讓得起半/一。

文:Goal進

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner