Goal富帥:信麥軍西班牙孖寶夠級數

更新時間 (HKT): 2021.04.02 02:00

澳職有時如果捉到條路真係幾好玩;噚日全世界都話墨爾本城上盤,臨場半/一去到讓一球/球半,不過信我要下盤加「大」真係未驚過,下半場入兩粒,西部聯反勝2:1。繼續推澳職,今日FC麥克阿瑟主場對珀斯光輝,要上盤加「大」。

講真澳職整體技術水平麻麻,所以好多時大家都睇到,有啲稍有組織性球隊,有一、兩個好波之人連繫住,喺澳職已經夠晒用。光輝冇錯都有呢啲球員做到攻勢,不過班後防真係唔得。上仗對紐卡素噴射機,晨早領先兩球之後打少件,勉勉強強贏2:1都叫頂到贏番場,不過今次作客,仲要中堅艾斯普保達美迪斯停賽,真係好難唔失波。

FC麥克阿瑟講到控制節奏,就一定係西班牙孖寶馬高蘇沙亞達同比納特,特別係蘇沙亞達,一吓直線已經製造到威脅,趁住光輝後防不穩,只要畀啲耐性,一定可以製造到缺口,今次主隊只係少讓平/半,上盤加多個「大」,唔難收晒。

星期六都係單頭波,布里斯班獅吼主場對西悉尼流浪者;獅吼季初都好地地,但攻力越嚟越唔對辨;西悉上仗1:4大敗畀級數更加高嘅墨城,今次對手冇咁強,應該可以重拾勝軌,平手盤加個「大」,冇走雞。

文:黃耀富

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner