趣趣地:母親過世 托拉拿唔想留歐洲

更新時間 (HKT): 2021.04.03 02:00
托拉拿媽媽(左)、盧卡斯托拉拿(右)

季前由阿仙奴外借咗去馬德里體育會嘅中場盧卡斯托拉拿,近日因為媽媽確診武肺返咗祖家烏拉圭,但媽媽最終禮拜二去世,令托拉拿大受打擊,近日佢接受訪問就話,為咗屋企人佢決定放棄喺歐洲搵食。托拉拿喺2018年成為槍手,但自阿迪達上任後就不獲重用,今季仲淪為收購湯馬士柏迪嘅籌碼外借馬體會,但都係冇乜上陣機會。托拉拿話:「我知球會間要達成共識係好難,但呢兩年我唔能夠享受比賽,阿仙奴傷害咗我,馬體會都冇畀機會我,我家吓淨係想踢小保加。」