求驗客手記:英超賤男偷食 大肚即飛捱告

更新時間 (HKT): 2021.04.05 02:00
蘇莎

英國《太陽報》最近又爆一單球星偷食,一位商業活動女司儀蘇莎向報章控訴,自己俾一位暗交兩年嘅已婚英超球星拋棄,而且對方係喺知道佢大肚後就唔再理佢,後尾個私生女出世後,亦冇再畀佢哋兩母女任何贍養費。蘇莎講到自己好儍好天真,本來想喺呢位球星大婚當日同佢斬纜,點知俾對方甜言蜜語𠱁到,講到話就算結婚都阻唔到佢哋之間嘅真愛之類,而且對方連度蜜月期間都不斷私訊佢,結果蘇莎心軟下決定繼續發展呢段地下情,直至佢懷孕兼俾個正印知道後,呢位球星先原形畢露,態度180度轉變,而蘇莎家陣已經搵咗律師,希望以DNA親子鑒定幫自己攞番公道,當然,最重要梗係要錢喇。呢單嘢爆出後好多網民猜係咪曼城球星馬列斯,但據報係呢位賤男喺2019年結婚,同2015年已經成婚嘅馬列斯身份唔太脗合。

包羅萬有,「體」得舒服,即Like「蘋果體育」FB專頁!
BannerBanner