Goal富帥:勝利船防反掂敲[主/主]

更新時間 (HKT): 2021.04.06 02:00

上星期畀到驚喜大家,推介西部聯下盤,結果唔係搶到分咁簡單,直頭贏埋墨爾本城㖭,希望大家有跟到。今次就轉移戰場返日職,始終周中開足快車,多啲選擇,球季都開咗一陣,唔少球隊都入晒局。

日職最大驚喜就係神戶勝利船(圖),「小白」恩尼斯達傷咗,今季仲未落過場,大家以為球隊冇得依賴呢位中場大腦,戰績就一定差?世事就邊會咁簡單,勝利船就慢慢建立一套防反戰術,效率比之前仲好,國腳前鋒古橋亨梧係近期至愛,瘦瘦猛猛,但好靈活、夠膽色,國際賽對住蒙古,後備入替南野拓實,8分鐘入2球,效率之高可見一斑;今次對住大分三神,應該都至少入到波。

大分嗰頭對完川崎前鋒,又要作客神户,賽程上真係非常不利,講真佢哋對前鋒嗰場,真係守得唔錯,唔係後防派大膠,前鋒真係贏唔到兩球,可惜贏口碑就冇咩用,我係球員都覺得有啲攰,唔單止身體,心理都好大打擊,作客情況下,隨時早段已經失波,最終崩潰大敗,「半全場」要[主/主]之餘,要埋個入球「大」就穩陣啦。

另一場推介,之前介紹過鳥棲砂岩,今季真係好咗好多,但今次對住川崎,真係好難有勝算,最慘中堅黃錫鎬上場又紅,今次停賽,三中堅排陣實有影響。從積分榜嚟睇,今場贏波拎三分,有權升上第三位,但要贏前鋒,邊有咁易,死守係基本,上半場憑基本體力應該仲守到,開個「細」,下半場應該多波入開番「大」,上下盤就唔搞,川崎太有個性喇!

文:黃耀富

截稿前馬會尚未開盤,盤口僅供參考,讀者記得留意足智彩網頁。

資料寶藏

大分三神開季3場作客只得1勝2負,連續兩場日職作客沒有入球。

包羅萬有,「體」得舒服,即Like「蘋果體育」FB專頁!
BannerBanner