足球|堂堂大國顏面何存?中國隊世界排名被非洲小國超越!

更新時間 (HKT): 2021.04.08 22:50

相信有唔少球迷過去都必定會聽過「點解中國搵11個識踢波嘅人都冇」呢句說話,雖然近年中國隊開始廣招入籍兵加強球隊實力,希望可以再次打入世界盃決賽周,只不過心水清嘅球迷都知道,靠住艾克森、阿蘭同高拉特嗰幾位入籍兵,就想打入世盃根本就係一件機會極微嘅事。近日國際足協(FIFA)公佈新一期國家隊排名,中國隊比起上期排名仲要跌咗兩位,排喺世界第77名,而且超越中國隊嘅兩個國家隊,竟然係冇乜人識嘅小國庫拉索同佛得角,堂堂大國真係顏面何存!

由於受到武漢肺炎疫情關係,令到過去一年中國隊都冇參加過任何國際正式比賽,所以導致排名下跌,只不過超越佢哋嘅佛得角同埋庫拉索,雖然唔屬於大國,只不過近年嘅成績都唔算差。先講吓喺今次世界排名升咗7位嘅佛得角,呢個位於非洲西岸嘅大西洋島國,人口大概為55萬,以前曾經係葡萄牙嘅殖民地,所以家陣有唔少國腳都會去到葡萄牙聯賽打滾,雖然最新一期大軍名單入邊冇邊位有名嘅球星,不過其實昔日有唔少葡萄牙國腳,好似拿尼、尼爾遜施美度同列卡度彭利拿等人其實都係擁有佛得角血統,只不過最後選擇咗為葡萄牙出戰仲做埋國腳。

作為曾經嘅非洲魚腩球隊,加上唔少足球人才都益咗葡萄牙嘅關係,所以佛得角一直以嚟嘅世界排名都唔算高,不譆近年通過歸化同自己發展青訓嘅努力,佛得角喺2013年就曾經殺入非洲盃闖入8強。上個月嘅非洲盃外圍賽,佛得角仲曾經以3:1擊敗喀麥隆,家陣排喺F組第二位,好大機會晉身2022非洲國家盃。

庫拉索就位於加勒比海南部嘅一個島嶼,曾經係荷蘭嘅殖民地,人口接近16萬,人口數量仲少個中國隨便一個縣。只不過雖然人口唔多,但係呢隊國家隊嘅實力絕對唔差,今期世界排名雖然庫拉索冇升冇跌,不過就喺上個月嘅世盃外中北美洲區賽事取得2連勝。最重要嘅係,庫拉索國家隊家陣嘅教練係荷蘭名帥軒迪克,而且隊內有唔少喺荷蘭聯賽效力,實力上都絕對勁過中國隊喇!

-----------------------------

想財富增值 就真係要眉精眼企

想財富增值就梗係要樣樣計到盡,即使係借貸時嘅回贈,都要攞盡最大着數!喺2021年4月1日至2021年6月30日期間首次提取貸款,可即場獲獎賞現金高達港幣$5,000▲!

利用轉數快,足不出戶就完成手續,仲可以實現貸款瞬間過數^,星期日都照批★!。

立即申請:https://bit.ly/2UlZfUU

推廣期由2021年4月1日至2021年6月30日(包括首尾兩天)

須受條款及細則約束,詳情留意邦民日本財務(香港)網頁。

忠告:借錢梗要還,咪俾錢中介

放債人牌照號碼:1328/2020

查詢及投訴熱線:3199 1199

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

-----------------------------

《體蘋果》陪你睇波講波