Goal富帥:想勝利就繼續追勝利船

更新時間 (HKT): 2021.04.09 02:00

今個周末繼續玩日本波,之前已經講過,日職季初就吼住神戶勝利船同鳥棲砂岩,勝利船周中冇令大家失望,推介[主/主]順利開出,下星期日主場鬥清水心跳,唔好畀佢停,想勝利就繼續勝利船。

要玩勝利船就真係有竅妙,留意咗佢哋幾場波,已經唔係上季有前冇後、打死罷就嘅球隊,識得留放體力,戰術運用幾好,上仗都係趁主場優勢,上半場先谷一輪,有甜頭後就下半場玩防守,今次對心跳都似呢個玩法。初盤勝利船有1.8倍W,當然要得過,信佢哋上半場谷就博個「半大」,下半場留力下,睇嚟清水都攻唔入,要番個「細」。講真清水心跳今季開季都唔係太順,對住「升班馬」德島漩渦都可以輸波,上輪更慘敗畀浦和紅鑽,好大機會衰開就衰落去,唔好妄想博反底。

下星期日就有場大戰,FC東京對川崎前鋒。愛隊鳥棲砂岩上仗作客川崎前鋒都係僅輸一粒,如果唔係有紅牌,戰果更加有權改寫,不過今次就要番川崎前鋒先。之前都講過,川崎無論人腳、戰術都高其他日職球隊幾班,上下盤任佢哋開,上仗小勝開下盤,呢場都要做番好人啩,始終要作客,對手又強好多,初盤都只係讓半/一。FC東京上仗都算贏得精采,早段已經有紅牌,都贏北海道札幌岡薩多2:1。不過咁,通常博完呢啲波,元氣真係好傷,雖然FC東京畀人感覺好韌,不過人腳就冇乜點變,而且經歷亞冠盃之後,喺鬥心上明顯有啲滑落,對住川崎恐怕會完全受控,希望上半場仲頂得住,不過下半場就預計崩潰,要「半細」、全「大」。

文:黃耀富

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner