空手道|港隊四月底赴歐比賽集訓 李嘉維平常心爭奧運資格

更新時間 (HKT): 2021.04.16 19:01
空手道運動員李嘉維(右)與跳高女將鄧伊程(左)出席活動,前者指月底將赴葡萄牙出賽。

東京奧運尚未落實所有項目的入圍資格,運動員磨刀霍霍積極備戰,香港空手道隊將於本月底派員到葡萄牙參加K1聯賽,港隊其後將留於當地訓練,六月再轉赴法國巴黎出戰奧運外圍賽,港隊大師兄李嘉維坦言爭取入圍難度高,將以平常心應對。

空手道運動員李嘉維及跳高女將鄧伊程今午(星期五)於尖沙咀出席運動品牌活動,李嘉維表示闊別賽場一年後,月底將到葡萄牙參加K1聯賽,重拾比賽感覺,備戰六月奧運外圍賽。歐洲武漢肺炎疫情仍未緩和,李嘉維指已接種兩針疫苗,不擔心健康問題:「冇擔心嘅,因為全部運動員檢測曬全部冇問題先去打,同埋我都打咗兩針,叫做有少少保護,希望到時安安全全,始終搏擊類運動落場打大家好近,啲汗水都係飛埋對方度,我有信心,唔會太擔心。」李嘉維32歲終迎來首次入圍奧運的機會,現時世界排名78的他將於六月與近百位選手爭三張奧運入場券,他坦言難度高,由於搏擊比賽變數大,他會以平常心應對:「出到去都係睇策略臨場表現,我叫做老將有啲經驗。今次出賽我好享受,希望反而有更加好效果,太大壓力好易輸,我哋比賽好多變數,就算練得好好人哋都會郁,所以比較平常心。」他指若成功入圍,受香港隔離政策所限,預計會直接從歐洲過境日本。

至於鄧伊程將於周日出戰大專陸運會,她指近期於系列賽以1米77刷新個人最佳,冀周日能更上一層樓,跳出1米80打破大專紀錄。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner