體記沖咖啡|感激朋友指點支持 張敬樂義當店長

更新時間 (HKT): 2021.04.17 06:30
陳漢威指打理咖啡店困難天天都多,但感激路上總有貴人朋友幫忙指導。

陳漢威轉型路上雖然困難重重,但一路走來時有貴人相助,例如機緣巧合間邀得任咖啡師導師的舊同事丈夫指點,而且採訪當日所見,來訪朋友一個接一個,運動員張敬樂又曾義務擔任店長,足證他人緣極好,他感激友人拔刀相助,感言或許是過往種下的因使然:「朋友話可能我以前對人好,睇你報道都唔錯,咁咪嚟幫你囉。」

咖啡店生意仍屬起步階段,阿威直指「問題天天都多」,不過他慶幸不時有朋友於一籌莫展之時助他一把:「 例如我上網睇咖啡師課程,突然發現呢個人我識喎,原來係舊同事老公,佢本身係咖啡師導師嚟,我哋食過幾次飯,機緣巧合搵到佢,佢義務顧問咁帶住我,又引薦好多人嚟幫手,好感謝佢。」他於體育界和傳媒積下不少人脈,咖啡店宛如體育人和傳媒人聚腳點,平日下午來訪已見不少行家光顧,運動員張敬樂更曾任義務店長,就連舊日的電視觀眾亦替他打氣,「估唔到多人得好緊要,有啲街客觀眾嚟,佢唔會主動話認得我,但會話睇過你報道,叫我加油。」阿威人緣佳朋友多,他笑說假如有事未回店鋪,需於Facebook公告友人:「最開心係有咁多朋友,真係日日早午晚都有,我唔返嚟要喺Facebook講,有時唔好意思呀,人哋一場嚟到。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner