趣趣地:熱刺與贊助商災難變宣傳

更新時間 (HKT): 2021.04.17 02:00

熱刺最近就搵咗英國最大嘅油漆公司多樂士做贊助商,原本應該係一件開心事,不過呢間油漆公司嘅幽默感似乎就太過豐富,佢哋嘅twitter小編回應網民留言嗰陣就貼出咗一個冇獎盃嘅獎牌櫃(圖),仲寫住「全新待售」,擺明寸熱刺近年冇盃落袋。領隊摩連奴周四出席記者會嗰陣就俾記者問起呢單網絡熱話,不過佢就完全一頭霧水。油漆公司事後都知衰向熱刺道歉,熱刺亦好大方,接受道歉仲自嘲一番,將油漆公司嘅招牌狗狗Key落熱刺球員身上,話要搵佢打中堅,仲話會幫對方嘅小編保守秘密,令家陣成件事由關公災難變逆向宣傳。

包羅萬有,「體」得舒服,即Like「蘋果體育」FB專頁!
BannerBanner