Goal富帥:畢爾包有暗湧下盤有「度」

更新時間 (HKT): 2021.04.27 02:00

周未推介西維爾[-1]「主勝」,臨完場竟然輸個12碼,俾CF格蘭納達破蛋,僅勝2:1,真係激死人;周中又有兩場西甲補賽,希望生生性性,唔好再失手。

星期三畢爾包主場對華拉度列(圖),大家以為畢爾包西班牙盃大敗,聯賽又喺中游,應該會hea踢埋剩低嘅聯賽,不過戰果又唔係咁樣。西盃決賽後畢爾包2場聯賽錄得1勝1和,上仗更加殺低埋馬德里體育會,今次繼續留喺主場,勝望就真係壓一。不過咁,揸住咁強戰績,畢爾包馬會開得好軟,主W仲有1.77倍,「讓球」就讓半/一高水,贏得榜首球隊,真係咁大隻蛤乸隨街跳?一定暗藏殺機。始終畢包都係打反防為主,面對對手強攻,伊拿基威廉斯先發揮到佢高速嘅威力,相反對手死守,畢包入波真係冇咩板斧。

華拉度列排尾三,繼續要搶分護級,上仗領先之下俾卡迪斯逼和1:1痛失2分確實慘情。不過咁,華度近期作客都唔算太差,就算贏唔到都搶到一分,月初作客巴塞隆拿都係僅輸一粒,今次對住上咗岸嘅畢爾包,信華軍拎到分,博下盤。

星期四另一支西盃決賽分子巴塞隆拿就會登場,主場對CF格蘭納達,贏波就可以壓過馬體會同皇馬上榜首,決心就一定唔使懷疑。雖然我本人就唔多鍾意朗奴高文嘅三中堅陣式,基本上呢幾場都多失波,不過中場勝在夠人多。周四主場對風流波CF格蘭納達,格軍上仗就搞禍我個[-1],今次鬥巴塞,受讓到球半/兩球,應該阻唔到巴塞大勝。

文:Goal進

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner