求驗客手記:曼聯成英超名人堂大戶 賴低傑斯

更新時間 (HKT): 2021.04.28 02:00

英超賽會原定喺上年2月創立嘅英超名人堂,因為疫情關係去到禮拜一終於面世,同時宣佈英超史上入球王舒利亞同四奪神射手嘅亨利入選。英超再公佈23人候選名單,曾經效力過曼聯嘅球員成為大戶,簡東拿、碧咸同堅尼都全數入圍,只不過為紅魔贏咗13次英超冠軍嘅傑斯,就懷疑因為涉嫌襲擊前女友凱特案被起訴而冇入選,反而曾經涉嫌種族歧視嘅車路士名將泰利就榜上有名。

喺呢23人名單入邊,泰利都試過喺2011年涉嫌種族歧視安頓費迪南被落案起訴,不過都俾英足盃罰錢同禁賽,所以里奧費迪南嘅經理人積克馬倫就認為傑斯唔入選唔公平:「傑斯唔喺榜上邊,不過泰利曾經種族歧視對手球員,就仍然被揀中。」

包羅萬有,「體」得舒服,即Like「蘋果體育」FB專頁!
BannerBanner