終身學習:保特、劉梓浩另類教練

更新時間 (HKT): 2021.04.28 02:00
■林佩君因公關工作認識劉梓浩(圖),並指對方抗癌的經歷令人敬佩。資料圖片

「我知道保特好鍾意食炸雞,喺訪問入面佢同我講過想開炸雞店。」如果不是工作,林佩君(Yaffa)造夢也沒想過有機會訪問世上跑得最快、擁有奧運八金的前牙買加飛人保特,亦都因工作關係,她認識了香港戰勝癌魔的沙排代表劉梓浩,這些都是錢買不到的寶貴見聞。

自初中玩壘球後,至今近20年,無論學業多忙、工作多忙,Yaffa都將壘球放在第一位,大學在樹仁修讀新聞與傳播系的她,畢業後試過做運動品牌市場推廣,亦做過雜誌編輯,現職是體育公關,每份工作都有難忘經歷,但首選一定是2017年在日本跟保特做訪問,還可以和他一齊做招牌「閃電」手勢。

Yaffa回憶跟保特有一面之緣時說:「2017年保特啱啱退役,當時我喺雜誌做編輯,好幸運有機會去京都做一個手錶品牌嘅報道,保特就係品牌大使,估唔到我有機會訪問呢位世界跑得最快嘅人。」Yaffa記得除炸雞外,還問保特退役後的心境,令她獲益良多:「保特同我講,做運動員嗰陣最討厭練習,因為係一件好辛苦嘅事,可以想像好似佢有咁出眾成績嘅天才,一定都承受日復日嘅刻苦訓練,我喺佢身上感受到呢點。」

戰勝白血病的劉梓浩教曉了Yaffa一件事,無論面對多大困難,只要積極面對就會有好回報,Yaffa近日以公關身份拍住劉梓浩做訪問,才知道原來大家都是2018年雅加達亞運香港代表,只是Yaffa的女子壘球在雅加達比賽,劉梓浩的沙排在巨港,2人都是第1次打亞運,這同一大賽下的經歷到最近因工作關係才知道:「都係因公關工作先認識到劉梓浩,佢身體受到大病侵襲,都可以積極面對,佢嘅堅毅不屈令人佩服。」

包羅萬有,「體」得舒服,即Like「蘋果體育」FB專頁!
BannerBanner