Goal富帥:城南重防「首」追「細」

更新時間 (HKT): 2021.04.30 02:00

「澳假」真係無法無天,推介中岸水手,竟然打少件輸四粒,唔開心嘢唔想多講,今個周末返去日職韓職!

首先講日職,下星期日湘南比馬主場對北海道札幌岡薩多,睇一睇隊北海道,揭幕戰就係威係勢,大炒FC橫濱5:1,不過踢落就好睇唔好食,雖然有「泰國美斯」猜拿迪普桑格辛,突破上做好多穿針引線作用,但做埋都唔夠後面輸,10場波失17球,同入波數字一樣,見到都唔開胃。北海道仲長期受莊家高估,呢場波作客都要讓平/半。湘南比馬雖然排名差一位,不過其實同分,湘南只係輸得失球。湘南值得欣賞地方,係佢哋用好多土炮做主力,夠晒誠意,當中石原直樹能力係前線最高,又有前國腳身份,唔係話好勁,但實而不華,我鍾意,下盤加「大」啦。

韓職就揀星期五賽事,FC首爾主場對FC城南;先講首爾,佢哋兩位外援大將,奧斯馬巴巴同柏路斯域,係好波嘅,但同本土班底真係到今時今日都仲未夾到,上一場作客FC水原,球迷拎朴主永(圖)嘅海報,要求球隊派佢落場,但佢傷患纏身,始終都踢唔到,首爾欠缺朴主永嘅問題都一一浮現,的確球隊只有佢係做到前線控球同製造空位,再加上兩名外援狀態下滑,首爾真係不宜追捧。FC城南慢慢放入外援,中堅韋比捷拿真係幫到城南防守,失波仲保持單位數,但問題在於入波,暫時得城南同FC水原入球得單位數,所以呢場波就「細」在必行,平手盤可以支持城南多啲。

文:黃耀富

截稿前馬會尚未開盤,盤口僅供參考,讀者記得留意足智彩網頁。

資料寶藏

北海道札幌岡薩多今季作客5戰只得1勝1和3負,只有一場比賽保清白身。

包羅萬有,「體」得舒服,即Like「蘋果體育」FB專頁!
BannerBanner