田徑|欄后呂麗瑤創今季最佳時間 港將出國計劃再有變數

更新時間 (HKT): 2021.05.01 18:51
呂麗瑤(前)於100米欄初賽跑出13秒49,創今季個人最佳。

香港田徑錦標賽2021今日(周六)假將軍澳運動場上演首日賽事,呂麗瑤於女子100米跨欄初賽跑出13秒49,創今季個人最快時間,雖然她於決賽未再突破,依然大熱封后;陳仲泓則於男子110欄以14秒36奪金。另外,跳遠港績保持者俞雅欣以6米17掄元,她指外地疫情變化大,港隊需重新部署出國參賽計劃。

田徑壇連續兩周作賽,香港男子110米欄紀錄保持者陳仲泓擺脫大腿肌肉傷患,14個月來第二次出賽,他初賽雖於最後一欄失誤,仍跑出14秒07,決賽他力壓梅政揚以14秒36首名衝線,他賽後指滿意表現,盼能保持健康繼續順利出賽,「我之前整到hamstring(大腿後肌),休息咗幾槍,今季目標就係唔好受傷,唔好郁啲就唔舒服,至於時間就順其自然,要唔受傷先完成到操練。」 女子組呂麗瑤於女子100米欄所向披靡,初賽跑復賽以來最佳的13秒49,決賽她跑13秒66封后,她指今季成績雖暫未有大突破,但勝在穩定,被問及出外作賽爭取奧運積分計劃時,她無奈指疫情反覆,變數太多,「好諷刺,以前出面好多比賽,香港嘅反而唔會報,依家買少見少咩都報。姚潔貞去哥本哈根嘅比賽都取消咗,所以你問我幾時出去都答你唔到,唔好話奧唔奧運,冇眼睇喇,太多嘢控制唔到。」跳遠女將俞雅欣上周指如跳出6米4水平將有望出外爭分,惟今仗成績未能刷新港績,她則預計個人出外機會不大,「聽隊入面講都未必去到外國,一嚟唔畀入,有啲比賽又冇國際運動員名額,變咗要重新部署。」

男女子100米跑方面,石錦程以10秒68奪冠,女子組梁筠宜雖於初賽跑12秒16首名入決賽,但她於決賽偷步被取消資格,最終陳佩琦以12秒31掄元,她賽後指已兩年未能突破個人最佳11秒85,冀今年內能重新跑入12秒內,「都年幾無比賽,自己又受傷一排,希望盡快跑到12秒內先,一步一步嚟。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner