球壇話當年|郭嘉諾似金判坤夠熱血 「激勵球員有一手」

更新時間 (HKT): 2021.05.02 08:40
金判坤的熱血,由南華再帶到去港足。

羅傑承年代的南華最成功時期,是金判坤任教練的那段日子。今季飛馬找來金判坤在港足的助教郭嘉諾領軍,文彼得認為兩人的熱血風格極度相似,他自己亦是這一類人。

金判坤肯定是對文彼得影響最大的教練,其實他們在流浪時期已合作,「佢喺流浪做教練兼球員,風格唔係南華時咁,完全兩個人。南華個環境令佢熱血,我最欣賞佢體能逼得勁之餘,夠熱血,點樣去激發起大家心理。體能就大家都係咁操,100米都係咁跑,但點樣可以令你願意最盡體力去跑嗰100米呢?呢個就係技巧。」雖然金判坤不會中文,英文也講得一般,但總有方法激勵球員,「佢個動作、情緒、表情,會令你覺得真係得㗎喎。」

球迷不時都說,郭嘉諾與金判坤很相似,文彼得亦指:「似!梗係似啦,『熱血怪』呀大佬!我都似呢啲人,如果你唔熱血,唔鍾意自己球會,點令球員去支持呢?」他又指,金判坤與郭嘉諾的分別,是訓練上的細節,「嘉諾會分得細啲,前鋒、中場、後衞,Kim就比較整體。」

文彼得上季首度成為職業球隊主教練,但帶領飛馬的成績一般。回想這段教波初體驗,文彼得說:「冇失望,平常心,可能未做到最好,但自問盡咗力,問心無愧。」他認為自己有好多方面做得不足,如練習上的安排,最需改善的是與球員溝通,「係要用經驗累積去改,同上年嘅球員講聲sorry先。」

文彼得注重紀律,去季任主教練期間,球員訓練時遲到的懲罰不輕。他亦認為香港足球員需要更刻苦,「好多嘢其實可以做到,但你攞10分出嚟做定100分呢?」文彼得認為,做運動員最重要是心態,「要進步就要對自己有要求,好似掃把腳咁,畀到彈彈吓,要諗吓點可以傳波實淨啲、貼地啲,就要對自己有要求,今日做唔到,聽日再做,後日再做,心態係每一球都要做好,咁先會快進步。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner