壁球主席盃|葉梓豐挫劉子均稱王 18歲陳善鈺首入決賽即封后

更新時間 (HKT): 2021.05.08 18:30
香港壁球主席盃2021落幕,最終葉梓豐(右)及陳善鈺封王稱后。相片由香港壁球總會提供

2021壁球主席盃今日(周六)假香港壁球中心舉行決賽,18歲小將陳善鈺一鳴驚人,她於決賽直落三局橫掃朱玟懿,生涯首度晉級世界職業壁球員協會(PSA)計分賽決賽即贏冠軍。男子組則上演三月主席盃四強翻版,最終頭號種籽葉梓豐成功復仇,以3:1擊敗劉子均捧盃。

陳善鈺去年10月轉為全職運動員,短短半年即展現其深厚潛質,三月主席盃她躋身四強,今次賽事她更上一層樓,以六號種籽之身連挫師姐何子樂及李嘉兒入決賽,過程一局不失。決賽她鬥五號種籽朱玟懿,首局先贏11:6、次局她雖一度落後,最終「刁時」反勝13:11,第三局她再下一城贏11:9,生涯首度膺PSA計分賽冠軍。陳善鈺年僅18歲即擊退一眾師姐脫穎而出,她賽後指非常高興,但自認為與師姐相比稍欠經驗及穩定,期望未來比賽能更冷靜應戰,「我未必判斷得好好,有時知自己要積極進攻,係咪都走咗上去,但無睇係咪啱,最後打咗啲失誤。」

男子組方面,葉梓豐與劉子均相遇於決賽,葉梓豐三月於主席盃四強以2:3見負於劉,今次他一雪前恥,以局數3:1取勝(11:5、9:11、11:8、11:6)。球壇停擺多時,至今國際賽尚未完全復賽,葉梓豐坦言過去一年難捱,「依家係有個國際賽賽程,疫情日日都唔同,有冇比賽都無人知,盡量練住先啦,都無咩特別嘢做到,變唔到(外圍因素),就惟有集中訓練,好似練咗一個好長嘅夏季特訓咁。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner