Goal富帥:澳職反常理 博水手下盤翻身

更新時間 (HKT): 2021.05.11 02:00

日職有小小回落,贏一場輸一場,埋單都要輸水。周中日韓澳都有波,又係時候轉吓場玩番澳假,呀唔係,澳職,事關上周中中晒兩個盤,近期戰果都算意料之內,連西部聯下滑都中埋,俾西悉尼流浪者數五蛋,所以唔好用常理去估計澳假!

周中先睇星期三布里斯班獅吼主場對中岸水手先,水手由榜首跌吓跌吓,家陣去到第四位,表面好似好差,其實2至5位都同分,暫時只係榜首墨城跑出,都未算絕望。不過水手已經五場不勝,呢場想翻身都難;啱啱對完墨城既獅吼,成場波都同墨城均勢,澳職嚟講都算黑馬,家陣只落後水手兩分,贏埋甚至有得過頭。水手雖然近期都幾差,但大敗畀獅吼0:4個場,當然關張紅牌事,其他都叫和波拎到分,要贏水手都唔係易,獅吼呢場讓平/半,要下盤再補埋波膽1:1同2:2。

星期三另一場珀斯光輝主場對西部聯。西部聯不如改名西部亂,有前冇後打死把就,呢一套踢法俾其他對手已經適應,近期冇乜貨買。不過光輝對贏波嘅渴望又好似爭少少,雖然上仗贏墨爾本勝利,不過對方又有紅牌又有12碼唔入,咁嘅情況都係贏2:1,唔好睇光輝咁高。但係澳假嘅情況大家千祈唔好用正常嘅概念去諗,當大家都以為西部聯高過光輝嘅時候,首循環西部聯又贏5:4,正正就係要買番光輝;大家以為呢啲對碰開「大」嘅時候,冥冥中就未必多波入,不如試吓「半細」啦。

文:黃耀富

截稿前馬會尚未開盤,盤口僅供參考,讀者記得留意足智彩網頁。

資料寶藏:獅吼今季主場9戰只得3勝,主場勝仗只比包尾的紐卡素噴射機多。

包羅萬有,「體」得舒服,即Like「蘋果體育」FB專頁!
BannerBanner