Goal富帥:里昂爭做三哥「大」起尼姆

更新時間 (HKT): 2021.05.14 02:00

唔少歐洲聯賽已經去到尾聲,連曼城同拜仁慕尼黑都已經提早封王,喺五大聯賽中,以往法甲就真係可能最冇爭標懸念,巴黎聖日耳門(PSG)仲誇張到可以早10周8周就提早封王,不過今季已經冇呢支歌仔唱喇,PSG家陣雖然排第二,但都要望榜首里爾最後兩場失分先有希望反先,兩強下周日都喺主場出擊,賠率都非常熱,呢啲情況就梗係避得就避。

為公平起見,最後兩周法甲會同時間舉行。先撇開爭標唔講,第三位都爭到好激烈,事關下季可以踢歐聯外圍賽,絕對係搵大錢機會,摩納哥同里昂都爭崩頭,家陣摩納哥領先1分排第3,形勢就當然較好,亦因為冇退路,里昂就一條心要贏波,下星期日里昂作客尼姆,世界博彩公司平均值,客W就開到得1.33倍,作客要讓一球/球半,都認真誇張。

雖然講攻力里昂又真係幾屈,上場就大炒羅連安特4:1,正箭頭卡迪韋尼雖則冇波入,不過右翼般奴古馬雷斯就幫到手喇,入到兩粒,首席射手迪比(圖)就停賽復出,今次睇嚟都要數吓糊。不過咁,其實里昂後防又唔係好叻,近8場聯賽只有1場冇失波,而且尼姆都要搶分護級,近2仗拎4分亦都入咗5球,今場波要入球「大」穩陣。

法甲老牌球隊波爾多,因為財困搞到今季要護級,家陣只排第15位,只係多第18位嘅南特2分,形勢都幾惡劣,下周日佢哋主場對朗斯,莊家都算睇淡,開出主隊受讓平/半。講真波爾多近7場輸足6場,除咗突然反底贏雷恩1:0嗰場,其餘比賽都坐底失三球,防線認真恐怖;朗斯雖然近況都麻麻,不過要爭第五位歐霸盃席位一樣有鬥志,信莊家開盤,揀埋朗斯上盤。

文:Goal進

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner