求驗客手記:大帝寸爆「登堂」堅尼謙虛入選

更新時間 (HKT): 2021.05.19 02:00

繼上月英超公佈由舒利亞同亨利入選名人堂後,周二再公佈兩位入選英超名人堂嘅球員,佢哋就係曾經為曼聯贏過四次英超冠軍,被稱為「大帝」嘅紅魔傳奇球星簡東拿同鐵血隊長堅尼。之前英超賽會公佈嘅候選23人名單當中,將會有六人透過球迷投票入選名人堂。對於自己成功「登堂」,簡東拿就話:「我感到非常高興同自豪,不過我冇感到驚訝,如果我冇入選我先會驚訝。我好幸運可以為曼聯效力,而且嗰度有一班出色嘅球員、領隊同埋球迷。」至於堅尼就話自己入選純粹係一班隊友勁,認真謙虛。

包羅萬有,「體」得舒服,即Like「蘋果體育」FB專頁!
BannerBanner