德甲煞科|拜仁5:2大勝奧格斯堡 埋齋羅拔仔41球打破武勒紀錄

更新時間 (HKT): 2021.05.22 23:36

周六德甲煞科,拜仁喺主場鬥奧格斯堡,球隊最終以5:2大勝對手,羅拔利雲度夫斯基亦有一球進賬,最終以41球獨佔德甲單季入球最多嘅紀錄,打破「轟炸機」武勒40個入球嘅紀錄。

今場除咗係煞科戰,仲係拜仁幾位將士嘅告別戰,賽前拜仁亦為季後將離隊嘅教練費歷克、三位老臣子謝路美保定、阿拉巴及查維馬天尼斯進行咗個歡送儀式。開波9分鐘拜仁就領先,基拿比右路傳中,對方中堅古維利奧擺烏龍;22分鐘,拜仁左路傳中,羅拔仔近射被救,高文補射又中柱,好彩基拿比頭槌補射得手,拜仁輕鬆領先到2:0。

其後奧格斯堡有尼達列治拿禁區被侵犯博到12碼,可惜卡利古尼主射被紐亞撲出,冇辦法幫球隊追番球。差一球就可以打破「轟炸機」武勒單季德甲入40球紀錄嘅羅拔仔,上半場幾次機會都過唔到客隊門將基爾域斯,反而佢嘅隊友腳飛似乎幾順,33分鐘,甘美治遠射得手領先到3球;臨完半場前3分鐘高文亦燙射見功,拜仁半場輕鬆領先4:0。

60分鐘,拜仁亦連換三人,前場換入利萊辛尼同穆斯亞拿加強攻力外,保定亦被換出,俾馬天尼斯為拜仁踢最後一戰,保定亦同逐個球員擁抱,眼濕濕咁行出球場。67分鐘,奧格斯堡左路罰球機會,拿斯路賓尼斯傳入禁區,安達夏恩一頂破網,為球隊追成1:4;6分鐘後,安達夏恩傳畀尼達列治拿,後者突破越位為球隊射成2:4。臨完場前,辛尼遠射被救出,羅拔仔即刻上前執雞得手,佢個人亦打破武勒紀錄,以41球獨佔德甲單季入球最多嘅紀錄,佢亦激動到除衫慶祝,最終球隊以5:2大勝對手。

德甲煞科

冠軍:拜仁慕尼黑

歐聯席位:拜仁慕尼黑、RB萊比錫、多蒙特、禾夫斯堡

歐霸盃席位:法蘭克福、利華古遜

歐協聯席位:柏林聯

降班球隊:史浩克04、雲達不來梅

參與升降班附加賽:科隆

-----------------------------

想財富增值 就真係要眉精眼企

想財富增值就梗係要樣樣計到盡,即使係借貸時嘅回贈,都要攞盡最大着數!喺2021年4月1日至2021年6月30日期間首次提取貸款,可即場獲獎賞現金高達港幣$5,000▲!

利用轉數快,足不出戶就完成手續,仲可以實現貸款瞬間過數^,星期日都照批★!。

立即申請:https://bit.ly/2UlZfUU

推廣期由2021年4月1日至2021年6月30日(包括首尾兩天)

須受條款及細則約束,詳情留意邦民日本財務(香港)網頁。

忠告:借錢梗要還,咪俾錢中介

放債人牌照號碼:1328/2020

查詢及投訴熱線:3199 1199

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner