田徑|張培賢再破撐桿跳港績 俞雅欣陳銘泰跳遠稱霸

更新時間 (HKT): 2021.05.22 18:40
張培賢(圖)單月四破港績,惜未達5米大關。

香港田徑測試賽三首日賽事落幕,張培賢於撐桿跳躍出4米85,以5厘米之差刷新月初創下的香港紀錄,這位「鳥人」賽後指隨成績漸進,舊桿的長度和硬度已不適用,未來須添置新桿,期望盡快躍至5米水平。

28歲的張培賢月初於香港錦標賽單日三破香港紀錄,成績由4米45提升至4米80,今午他壓軸出場,由於對手試跳3米70不果先告出局,他「個人表演」跳4米60一躍而過,再挑戰4米85雖兩度失手,幸第三跳成功過關,成今日比賽惟一一名打破港績的運動員,全場為之鼓掌。其後他改以5米為目標,惟無功而還,無緣更上一層樓。賽後張培賢滿意成績,認為已見進步,「少少哋5cm都叫破咗先。」他指所用長桿只長4米7,長度和硬度難應付更高目標,故將訂購新桿以備未來之用,「今日已經用支最長最硬嘅桿,但跑太快支桿頂我唔住,要再換大約4米9嘅桿,有成績所以要換桿都係個有進步嘅訊號嚟嘅。」由於他現時成績未達體院資助標準的5米30,故訓練及器材開支皆須自付,「用緊嘅一支桿要六、七千蚊支,再上應該要貴啲,睇下報價幾錢啦,都係自己用所以都要自己買架喇。」

跳遠方面,女將俞雅欣續領風騷,她以6米18奪金,惜未能刷新個人保持的6米31港績。今個田徑賽季將近落幕,俞雅欣指成績尚可接受,惟失望未能再破港績,「今個賽季比較突然,少少準備得冇咁充足,都失望破唔到香港紀錄,心入面覺得做到,但把握唔到機會。」季初她受阿基里斯跟腱痛楚困擾,場場上陣前皆要吃藥止痛,她指慶幸季尾擺脫傷患,冀九月全運會能重拾佳態,「全運希望做得返今個賽季原本嘅6米4、6米5目標,至於獎牌就要睇對手表現,呢樣唔係我控制到。」男子組陳銘泰大熱封王,他首跳跳出今季第二佳的7米62,不過他其後五跳皆犯規,未能再創成績。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner