球壇話當年|由行政到青訓 再做最強替工建傑志盛世

更新時間 (HKT): 2021.05.23 06:30
朱志光任傑志總監多時,近年更兼任主教練。

朱sir常言「變化比計劃嚟得快」,執教福建短短三年後,他去到傑志,至今已15年。最初他只負責行政,慢慢開始參與青訓,近年做過多次一隊「替工」後再建立傑志盛世。

朱sir去到傑志初段只負責行政工作,有一日會長伍健跟他說:「咦你教練嚟喎,不如你幫手帶吓隊。」朱sir指,當時傑志青年軍陣中有顏樂楓、夏志明等,「嗰時司徒文俊都教緊,Ricky(鄭兆聰)又幫吓手咁。我幫手之後,又用老本行,隊波唔得就執到得,周圍搵人,搵咗Lali(李嘉進),又喺黃大仙搵到阿凱(李毅凱),嗰時我去睇個天台嘅比賽,見到呢個左腳仔幾得意喎,我就問佢踢唔踢波。」

之後再經歷過巴塞足球學校,到現時的傑志足球學院,他還記得與鄭兆聰於九龍灣選球員,「由朝選到晚,鄭展龍、茹子楠、戴偉浚,好多,都係嗰時選。」

搞青訓成功,做主教練更成功。朱sir可算是最強「替工」,「我替咗工三次,三次之後都好多冠軍。高美斯嗰次攞冠軍,之後加西亞嗰次,輸一分畀東方,跟住連續兩次冠軍,好似就直至上季。」朱sir以教練身份為傑志贏過12個冠軍,包括四次聯賽冠軍,「傑志話之前銀牌好黑,我都攞過兩屆。黃洋有日話朱sir你都好多冠軍,我話係呀,唔係認叻,但冇你哋感染球隊,點有咁好成績,呢個係傑志優良傳統,有好球員感染到球隊。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner