Goal富帥:信海灣者炒起奧斯汀

更新時間 (HKT): 2021.05.28 02:00

歐洲主流聯賽上星期煞科,重心推介法甲冠軍戰里爾「讓球主客和」「和局」,結果真係小勝2:1封王,有三倍幾嘅賠率,希望大家滿意。歐洲波好多都開始完季,不過美職就開始咗唔係好耐,星期六、日都有唔少好選擇。

戰友盧卡東尼玩美職都有心水,佢就話FC辛辛那提實力太差,可以長捧對家;不過個人覺得,美職始終糖水滾塘魚,都係集合北美二線兵加上歐洲過氣外援,就算真係好弱,但遇上同級分子又真係冇咩特別高低,好似FC辛辛那提,上仗都叫反彈,作客贏到CF蒙特利爾開齋,長追弱旅對家,倒不如長追強隊,始終實力參差之下,有戰力球隊更容易贏。

美職最強又比較正氣球隊,一定係西雅圖海灣者(綠衫),中場領軍球員係國腳基斯甸路爾丹,以佢實力其實都夠喺英超中下游、英冠頂級球隊立足,不過佢就堅持留喺西雅圖。上季打到季後賽決賽,好慘情咁大敗畀哥倫布機員,今季決心捲土重來。海灣者開季都好對辦,7戰拎到5勝2和,保持不敗身,下周日主場對西岸下游嘅FC奧斯汀,莊家就梗係睇好,世界博彩公司平均值主W1.58倍,不過既然對佢哋有信心,就一於要「讓球主客和」「主勝」。

另外,FC洛杉磯屬於主攻球隊,前線擁有卡路士韋拿、迪亞高羅斯等外援,但衰在後防唔穩陣,真係入球「大」佳品,星期六主場對紐約城,紐約城開季六場波,場場都有波入,兩隊鬥攻一於要入球「大」。

文:Goal進

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner