亞洲放題:川崎鹿角「大」鬥攻

更新時間 (HKT): 2021.05.29 02:00

東京奧運就嚟開幕,日本U24上星期就公佈咗今次國際賽期嘅大軍名單,最多人關注嘅應該係三個超齡球員席位,教練森保一最後就揀咗大國腳隊長吉田麻也、酒井宏樹同埋中場遠藤航三位大國腳入選。其實日本U24中前場班後生仔已經夠晒班,搵三個大國腳加強番後防都算係好合理嘅選擇。

今次日本U24大軍人數有成27人,除咗三笘薰、田中碧、前田大然呢啲國內新星之外,仲有久保建英、遠藤溪太、堂安律、冨安健洋一大班海外組球員,不過由於奧運隊名額只得18人,加上已經有超齡球員霸咗三個位,要喺呢份咁豪華嘅名單剔走成九個人都真係唔易。

𠵱家排日職榜首嘅前鋒下星期日就會主場對鹿島鹿角,雖然鹿角近期表現唔錯,不過對住超晒班嘅前鋒相信都會覺得頭痛,而且球隊近期攻得唔守得,今場兩隊相信都係鬥攻,[2.5/3球]嘅「大」應該都走唔甩。

另一場浦和紅鑽對名古屋鯨魚,紅鑽最近表現強勁,好大程度都係靠佢哋嘅新援卡斯柏真卡所賜,佢今個月上陣6次已經入咗6球,表現超勁。而且鯨魚最近又戰績不穩,主場嘅紅鑽要下盤。

日職星期六就得一場柏雷素爾對北海道札幌岡薩多啫,札幌近期表現穩定番啲,相反柏雷素爾就麻麻地,而且佢哋近期攻力都唔係好夠,近5輪先入得2球,平手盤不如博吓札幌好過。

文︰薰爵

《亞洲放題》為讀者精選各大亞洲波筍盤,每個周六約定你任點任食。

包羅萬有,「體」得舒服,即Like「蘋果體育」FB專頁!
BannerBanner