美洲盃|巴西接手主辦 日增4萬宗病例被質疑仲衰過阿根廷

更新時間 (HKT): 2021.05.31 23:04
今屆美洲國家盃將會由上屆冠軍巴西承辦

原本同歐國盃一樣月中開波嘅美洲盃,禮拜日南美足協就突然宣佈,因為主辦國阿根廷因疫情爆發關係,決定取消佢哋嘅主辦權,仲有14日開波之際但仲未知去邊踢,令人擔心今屆賽事隨時爛尾收場。不過到當地時間禮拜一劇情又180度生變,南美足協宣佈今屆賽事最後會巴西承辦,不過巴西疫情出晒名勁,最後又係咪真係搞得成?

原本今屆美洲盃同歐國盃一樣都係上年搞,不過因為疫情關係齊齊延遲一年,之後又因為疫情決定取消外隊參賽,變相得番南美10隊爭。賽事本身係阿根廷同哥倫比亞一齊合辦,各負責一組,點知上個月哥倫比亞爆發反政府示威,因為治安長期不穩,所以南美足協取消咗哥國主辦權改由阿根廷獨辦,當時阿根廷總統費爾南德斯仲話會好好準備,事關2019年巴西主辦嗰陣帶嚟咗1.18億美元嘅收入。

點知近期擁有約4,500萬人口嘅阿根廷確診數字激增,上禮拜四仲創新高錄得41,000宗新增個案,過去1周平均每日有成500宗死亡個案,結果南美足協見勢色唔對,開波前13日取消埋阿根廷嘅主辦權,就令外界非常擔心今屆美洲盃究竟踢唔踢得成。有建議係北上去美國搞,不過南美足協就一早否決咗,之後又有提議由疫苗接種情況最好嘅智利接手。但到咗禮拜一南美足協就揭盅,再一次由巴西主辦賽事。

不過,其實巴西疫情都唔好得好多,感染數字只係僅次美國同印度排全球第3,睇返上周六單日新增個案講緊仲有43,000宗。而且,近排國內有多個城市爆發示威,對總統博爾索納羅應對疫情反應不滿,要求佢落台,家下仲話要喺唔夠兩個禮拜內準備搞美洲盃,恐怕會令到民眾更大反響,家下已經有唔少網民質疑南美足協嘅決定係笑話。

-----------------------------

想財富增值 就真係要眉精眼企

想財富增值就梗係要樣樣計到盡,即使係借貸時嘅回贈,都要攞盡最大着數!喺2021年4月1日至2021年6月30日期間首次提取貸款,可即場獲獎賞現金高達港幣$5,000▲!

利用轉數快,足不出戶就完成手續,仲可以實現貸款瞬間過數^,星期日都照批★!。

立即申請:https://bit.ly/2UlZfUU

推廣期由2021年4月1日至2021年6月30日(包括首尾兩天)

須受條款及細則約束,詳情留意邦民日本財務(香港)網頁。

忠告:借錢梗要還,咪俾錢中介

放債人牌照號碼:1328/2020

查詢及投訴熱線:3199 1199

-----------------------------

蘋果App大升級 更簡潔更就手!了解更多立即下載體驗

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner