Goal富帥:水手刷數據乜都要「大」

更新時間 (HKT): 2021.06.01 02:00

周末日職又係一半半,中1場輸1場,鹿角94分鐘先失守,1:2輸畀前鋒,由贏盤變輸半個,真係嬲嬲地,今次避一避周中返去澳職先。

澳職常規賽進入白熱化階段,除咗墨爾本城提早拎到常規賽冠軍,第3至第9位嘅分差得6分,各隊比賽場數得番1、2場,相信最終排名會有幾大變化。

先講星期二場波,中岸水手(圖)主場對紐卡素噴射機,紐卡素就無欲無求,分數上冇可能追上前六,水手由季初榜首位置跌到落第三位,睇到球員嘅狀態同戰術方向俾大部份對手睇通,水手靠體力博對手犯錯,所以近期唔算多波入。但遇上噴射機,就應該唔同晒,噴射機成季拎得14分,呢支魚腩已經14場不勝,但「讓球」水手讓到半/一,相信上盤問題不大。近期澳假都開得好「大」,小弟覺得個勢唔會停,所以畀埋「上半場」、「全場」、「角球」乜叉都「大」。

另一場星期三布里斯班獅吼主場對珀斯光輝,兩隊都要博,真係要諗諗。光輝近期回勇,六場不敗;獅吼有啲搶夠分咁,上仗自殺式排弱陣,0:2輸俾西悉尼流浪者。澳假呢場波「大」就梗,不過光輝作客表現往往失準,反而獅吼主場表現信得過,七輪主場未輸過,光輝對上作客贏波要數到去2月,初盤獅吼要讓平/半,都係要上盤穩陣啲。

文︰黃耀富

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner