Goal富帥:山度士踢到殘難「施」力

更新時間 (HKT): 2021.06.04 02:00

今個周末繼續留喺南美洲玩巴甲;雖然巴甲家陣先踏入第二輪,但唔少球隊要踢自由盃、巴保聯、巴西盃等,已經攰到死,傳統名牌山度士就係好例子。

山度士上季殺入自由盃決賽,不過遺憾以0:1輸畀彭美拉斯失盃;今季唔少主力都離隊,自由盃亦出局。佢哋4月開季到𠵱家,大大話話已經踢咗18場波,未開「咧」已經踢殘,山度士首場巴甲作客0:3大敗畀巴希亞。

山度士星期六主場鬥施亞拉嘅第二輪巴甲,初盤讓平/半低水,以呢班波名氣,真係讓得少,實在太好分;山度士其實上季巴甲已經頭4場主場只贏1場,以施亞拉首場巴甲已經贏甘美奧,攻力唔錯,博下盤之餘,客W可以冷敲。

新一季巴甲,個人幾睇好巴拉干天奴紅牛,都有權做黑馬分子,開季第一場就作客大炒查比高恩斯,周六回師主場鬥巴希亞,兩隊都幾攻得,一於要「大」。

文:Goal進

截稿前馬會尚未開盤,盤口僅供參考,讀者記得留意足智彩網頁。

包羅萬有,「體」得舒服,即Like「蘋果體育」FB專頁!
BannerBanner