趣趣地:均宜孖靚女KOL講波

更新時間 (HKT): 2021.06.04 02:01
■馬詠茹(左起)、文毅施同盧均宜都會喺nowTV作嘉賓主持。

歐國盃嚟緊11號開波,有香港直播權嘅now TV噚日舉行啟動禮,早前宣佈設立比較輕鬆嘅「歐國盃第三聲道」,除咗有ERROR成員同強尼做評述員,仲會有啱Channel、試當真同小薯茄等頻道KOL,同標準流浪守將盧均宜、劍擊運動員文毅施、香港單車前代表馬詠茹等做主持。盧均宜就睇好法國同比利時,仲話今次可以同啲KOL合作主持係個新嘗試:「佢哋有口才、轉數快,但足球方面我同謝德謙可能較熟悉。」冠忠南區守門員謝德謙亦睇好法國,大讚佢哋三線平均,「我鍾意洛里斯,但如果要睇表現,我會想睇丹麥,今屆想睇卡斯柏舒米高有咩表現。仲有西班牙會用邊一個守龍?仲會唔會用迪基亞?」另外,ViuTV將免費直播六場歐國盃賽事,包括揭幕戰同決賽。

包羅萬有,「體」得舒服,即Like「蘋果體育」FB專頁!
BannerBanner