球壇話當年|最享受職業歲月 余國森回味寶路華

更新時間 (HKT): 2021.06.06 07:30
余國森很懷念當年在寶路華成名的日子。

被譽為本地球壇最佳其中一位左後衛的余國森球員生涯曾效力星島、元朗、南華及麗新等著名球會,而他回顧球員生涯,最開心必然是在寶路華的日子,因為除在這商業大軍成名,還認識真正的職業足球,以及職業球員的態度。

余國森在78/79球季協助元朗贏足總盃後獲當時寶路華領隊詹培忠招手,毅然加盟該新軍。洋名Sammy的余國森現在仍感恩詹培忠當賞識:「自己在寶路華成名,球會又成功,自己又踢得開心,亦學咗好多嘢,當中最重要係從教練同外援身上學到職業球員應有態度及思維,對日後工作好有幫助。」所指的職態度認真及投入訓練及比賽,要有良好個人紀律及操守,場內場外要顧及球會與個人形象等。

寶路華於81/82球季邀請英甲高雲地利教練韋利執教,而余國森指韋利在英球壇是有名望的教練,其出任教練短短一季在操練及比賽帶來很多新衝擊,他說:「外援成日講職業態度,其實華人不太清楚是甚麼,直到謝東尼任領隊,帶到好多不同事物畀球隊,這是最精髓,邀請韋利任教令球員接觸完全不同訓練方式,真正感受到改變,由慢慢成長,到不同訓練原來可以加快自己進步。」

韋利還細緻教導余國森如何防守精工華希恩等高質外援。余回想說:「精工外援華希恩,好高大又快,而韋利教我喺一邊阻住他,落場真係可以攔到他,呢啲高質教練可以諗到細緻方法應付高質對手。寶路華引入不少外援助陣,當中又有啲英國二三流,但個鼻子好高。亦有國腳級,如赫捷臣。

「赫捷臣真係完全冇架子,真係教到華人;他踢左翼,我踢左閘,場上主動幫我;佢成日叫我有機會就上,佢會喺後邊協防,亦教我如何防守盯人,大家好夾。佢同華將好融洽,又好肯幫我們,令到華人越踢越有信心,不是說笑喺佢地身上學到好多嘢,而謝東尼帶來的教練同外援令華將有不同思維,所以我成日話Tony係成功領隊,係佢令到我地認識點樣先係真正職業態度。」余國森說。

-----------------------------

蘋果App大升級 更簡潔更就手!了解更多立即下載體驗

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner