劍擊|花美男崔浩然復出八強止步 新鮮人心態劍指巴黎奧運

更新時間 (HKT): 2021.06.06 19:09
28歲的崔浩然(圖)曾奪亞運銀牌,隊友均表示其回歸有助推動團隊發展。

亞運花劍個人賽亞軍崔浩然久休兩年多後宣告復出,今日他於香港公園迎來復出第一擊,結果他寶刀未老,於會長盃殺入八強,他指以「新鮮人」心態回歸,冀放下昔日的緊張與壓力,目標與隊友征戰三年後的巴黎奧運。

28歲的「花美男」崔浩然18年底突然退役,時至今年三月他再宣佈復出,回歸體院訓練。今日為他回歸劍壇的首戰,他殺入八強,終以10:15不吳諾弘出局。他表示退役一直心思思再上劍道,早前與教練交流後決心復出,他指儘管技術未見生疏,但他明言急要改善體能,「一開始好唔慣,平時係養生打拳做gym,體能係有分別,始終太耐冇練,有啲位會攰。」相對兩年前急流勇退,他認為沉澱過後學懂放下壓力,享受劍擊,期望於新環境、新教練指導下能與隊友殺入24年巴黎奧運,「依家練返有咁多隊友一齊都好開心,下年亞運我就希望排名上返去先,我會努力練,希望唔好太大壓力,長遠當然想下屆奧運同隊友一齊打。」

崔浩然決定復出前,曾詢問港隊總教練鄭兆康的意見,後者讚揚崔自律積極,非常歡迎他重投訓練,但他強調崔缺戰多時,積分不及隊友,不會入選九月全運大軍,目標置於明年亞運,「全運佢唔會有份,因為要睇積分排名,佢冇打兩年積分賽,排名跌到第七,9 、10、11月都仲有三次比賽,到時就睇到佢嘅狀態去到邊,我幫佢set咗目標,第一係亞運,第二係2024奧運。」他續指崔浩然回歸後恢復比預期快,有助促進隊內良性競爭,「劍隊如果長時間得四個人,打得好與唔好都係佢可以去比賽,咁樣無助促進,我哋需要六、七個高水平運動員競爭幾個位,所以佢返嚟對團體氣氛同精神都有好處。」

-----------------------------

蘋果App大升級 更簡潔更就手!了解更多立即下載體驗

-----------------------------

《體蘋果》陪你睇波講波

包羅萬有,「體」得舒服,即Like「蘋果體育」FB專頁!
BannerBanner