求驗客手記:總統駕到振士氣 撐簡迪拎金球獎

更新時間 (HKT): 2021.06.12 02:00
馬克龍

歐國盃決賽周即將揭幕,馬克龍周四去咗法國隊嘅訓練基地,同一班球員同埋教練會面。佢接受RMC電台訪問嗰陣,仲大讚今季幫車路士贏咗歐聯冠軍嘅法國中場尼高路簡迪。「尼高路簡迪係一位偉大嘅球員,佢同基利安麥巴比都係法國年輕人嘅榜樣。我哋今季再次見到簡迪為球會作出嘅貢獻,希望佢拎到金球獎。我都肯定佢喺今屆歐國盃會好勁。」馬克龍仲話:「簡迪同麥巴比都係好好嘅人,同樣好重視努力同埋團結,對自己所屬嘅球會都好忠誠。我認為呢點對我哋國家非常重要,因為體育從來都唔只係體育咁簡單。」馬克龍喺法國出戰2018年世界盃前,曾經叫過佢哋要拎隻獎盃返嚟,而佢今次亦照辦煮碗,要求教練迪甘斯同一眾國腳,以永不言敗的精神為國爭標。

包羅萬有,「體」得舒服,即Like「蘋果體育」FB專頁!
BannerBanner